Bandat kriminale shqiptare kanë ndryshuar ndjeshëm mënyrën e funksionimit të tregut të kokainës në Mbretërinë e Bashkuar. Nga linjat ndërkombëtare të furnizimit me drogë deri te shpërndarësit që operojnë hapur në rrugët britanike, grupet kriminale shqiptare janë kthyer në një faktor të rëndësishëm në këtë aktivitet të paligjshëm.
Një investigim i realizuar nga televizioni britanik Sky News, me gazetarin investigativ John Sparks, sjell në vëmendje mënyrën se si bandat shqiptare kanë transformuar tregtinë e kokainës në Britani
Përmes raportimit nën mbulim, investigimi zbulon mekanizmat e funksionimit të këtyre rrjeteve kriminale, mënyrën e organizimit të furnizimit ndërkombëtar dhe aktivitetin e shpërndarjes së drogës në territorin britanik.
Raportimi i Sky News synon të hedhë dritë mbi shtrirjen dhe ndikimin e grupeve kriminale shqiptare në një prej tregjeve më fitimprurëse të narkotikëve në Europë
