Një 25-vjeçar me emrin Albi Muça u arrestua në Tiranë në momentin kur po merrte një çantë me para, pasi dyshohet se i kërkoi 1 milion euro një 54-vjeçari, duke përdorur në komunikimet online me një ndërtues në Tiranë. Në bisedat në Signal ai mësohet se ishte prezantuar si Edi Rama dhe kishte kërkuar paratë. Në pamjet e operacionit shihet momenti kur Muça merr çantën me para dhe më pas ndërhyrja e policisë për arrestimin e tij.
Sipas policisë, hetimi nisi pas denoncimit të 54-vjeçarit ndërtues, i cili dyshoi se po mashtrohej nga persona që komunikonin me të në platforma online, nga një person që ishte prezantuar si Edi Rama.
Pas denoncimit, specialistët e krimit ekonomik dhe forcat operacionale përdorën metoda speciale hetimi dhe ndërhynë kur 25-vjeçari po merrte paratë. Njoftimi nuk saktësoi sa para kishte në çantën që u dorëzua gjatë operacionit të koduar “Request”.
