Një ngjarje e rëndë ka ndodhur këtë mbrëmje në zonën e Komunës së Parisit.
Një automjet në lëvizje është qëlluar dhe si pasojë e kësaj ka humbur jetën një person. Bëhet me dije se 45-vjeçari, Ismet Habili u qëllua me plumb në kokë teksa po ecte në automjetin e tij tip “Volvo”.
Ngjarja ka ndodhur në rrugën “Mëhalla Popi”.
Vrasja është zbuluar, pasi një qytetar ka lajmëruar policinë. Ai është ankuar se ka gjetur në rrugë një mjet të dëmtuar.
Në zonë është dëgjuar vetëm një e shtënë armë zjarri, ndërsa rrethanat e plota të ngjarjes mbeten ende për t’u zbardhur.
Në kuadër të hetimeve, autoritetet kanë nisur verifikimin e telefonit të viktimës, ku, sipas të dhënave paraprake, po shqyrtohen komunikimet e tij të fundit.
Nga verifikimet fillestare, në vëmendje janë edhe disa probleme familjare që dyshohet se kanë qenë të pranishme në jetën e 46-vjeçarit.
Po ashtu, sipas informacioneve paraprake, telefonata e fundit e viktimës dyshohet se ka qenë me bashkëshorten e tij.
Paralelisht, grupi hetimor po punon për sigurimin dhe këqyrjen e pamjeve të kamerave të sigurisë në zonën ku ndodhi vrasja.
