Një ceremoni martesore në Kamëz duket se ka dashur pak më shumë “aksion” se zakonisht. Paraditen e sotme, gjatë lëvizjes në drejtim të Institutit, 30-vjeçari me inicialet F. K. dyshohet se ka nxjerrë një pistoletë të dyshuar manovër dhe ka qëlluar në ajër.
Në vend që të ishin vetëm urimet, muzika dhe vallet, dasma u shoqërua edhe me disa “krisma”, duke bërë që situata të tërhiqte vëmendjen e policisë.
Specialistët për Hetimin e Krimit në Komisariatin e Policisë Nr. 5 kanë nisur veprimet hetimore, ndërsa arma e dyshuar manovër është sekuestruar si provë materiale.