Një tjetër incident është regjistruar me kompaninë e fluturimeve Wizz Air, e cila mbrëmjen e djeshme ka braktisur qindra udhëtar në aeroportin e Barit në Itali.
Denoncimi është bërë nga botuesi Carlo Bollino, i cili ka publikuar një foto të udhëtarêve të nisur nga Tirana drejt Barit.
Ai shkruan se kanë mbërritur në aeroportin e Barit rreth orës 2:00 të mëngjesit, pas një vonese monstruoze të Wizz Air.
Bollino shprehet më tej, se pas daljes nga aeroporti, nuk ka pasur as autobus as taxi, duke kritikuar autoritetet në vendlindjen e tij për dështim të turizmit.Për ngjarjen kanë shrkuar dhe mediat italiane, përfshi gazetën “Gazzetta Mezzogirono“, e cila jep detaje nga ngjarja.
“Carlo Bollino, i cili duhej të ulej në Bari nga Tirana dje me fluturimin W4 5043 të Wizz Air në orën 23:05, rrëfen përvojën e tij të hidhur. Në vend të kësaj, aeroplani u ul në Puglia vetëm në orën 1:57 të mëngjesit, në mes të natës. Nga ora 2 e mëngjesit deri në 5 të mëngjesit, e vetmja mënyrë për t’u larguar nga Aeroporti i Palese ishte me makinë: “Askush nuk u përgjigj në centralin telefonik të taksive”, thotë ai, “gjeta një vend për t’u transportuar, por shumë të tjerë mbetën në aeroport duke pritur. Asnjë kioskë taksish, asgjë fare”,- thuhet në artikull.