Pas kontrolleve në disa ambiente të lidhura me hetimin, mes tyre banesa e biznesmenit Ron Yeffet dhe ambiente në Ministrinë e Mbrojtjes, hetuesit kanë ushtruar kontroll edhe në banesën e administratorit të KAYO-s, Ardi Veliu.
Gjatë kontrollit, SPAK ka sekuestruar telefonin e Veliut. Pajisja është marrë si provë materiale dhe pritet të zbërthehet nga hetuesit.
Mes të tjerash, grupi hetimor pritet të analizojë veçanërisht komunikimet dhe informacionet që mund të lidhen me personat apo kompanitë objekt verifikimi.
Ardi Veliu mban detyrën e administratorit të KAYO-s, shoqërisë shtetërore që operon në sektorin e industrisë së mbrojtjes.
Përveç telefonit të Veliut, gjatë kontrolleve janë sekuestruar edhe materiale të tjera, përfshirë dokumente dhe kontrata private, të cilat pritet të analizohen nga hetuesit për të përcaktuar lidhjet dhe rrethanat që janë objekt i procedimit.
Aksioni i SPAK vjen pas publikimit të audiopërgjimeve të Arben Ahmetajt./
