Ministria e Brendshme e Shqipërisë ka shpallur “non grata” dy shtetas nga Maqedonia e Veriut: Valon (Valjon) Bela dhe Bekir Halimi. Vendimi është marrë me urdhër të ministrit të Brendshëm, pas informacioneve të strukturave përgjegjëse të sigurisë.
Sipas autoriteteve shqiptare, të dy janë futur në listën e personave të padëshiruar, pasi dyshohet se kanë zhvilluar veprimtari që cenojnë interesat dhe sigurinë kombëtare të Republikës së Shqipërisë. Deri më tani nuk janë bërë publike detaje konkrete mbi pretendimet që kanë çuar në këtë vendim.
Sipas raportimeve, ndalimi i hyrjes në territorin shqiptar është vendosur për një periudhë 10-vjeçare. Pas publikimit të vendimit, të dy personat kanë reaguar publikisht, duke kundërshtuar akuzat dhe duke e cilësuar masën si të padrejtë