Ka ndërruar jetë në spitalin e Traumës 16-vjeçari Klevis Dervishi, i cili mbeti i plagosur rëndë si pasojë e aksidentit të ndodhur më 19 gusht në rrugën dytësore që lidh Manzën me Sukthin, në Durrës.
Numri i viktimave në këtë aksident tashmë ka shkuar në 4. I riu kishte marrë dëmtime të shumta në kokë dhe gjymtyrë.
Aksidenti i rëndë ndodhi rreth orës 02:22 të së mërkurës në një rrugë dytësore në Manëz. Të rinjtë po ktheheshin nga një lokal nate në Maminas, kur makina u përplas me një bordurë betoni. Sipas ekspertizës mjeti po lëvizte me shpejtësi shumë të lartë, dyshohet nga 114 deri në 130 km/orë, para se të përplasej me një bordurë dhe të përmbysej.
Të vdekur në vend mbetën shoferi Kleo Vrioni, 25 vjeç, dhe bashkëshortja e tij italiane, Sara Brugnatelli 26 vjeç bashkë me 15-vjeçarin Alvi Muhaxhiri. Çiti ishte martuar në Shqipëri vetëm 2 ditë para aksidentit.