Policia e Shtetit ka nisur monitorime në të gjithë vendin për zbatimin e udhëzimit të rishikuar mbi nivelin e lejuar të zhurmave, me synim garantimin e një sezoni turistik të qetë dhe të sigurt për pushuesit.
Përmes një postimi në rrjete sociale, Ministri i Brendshëm, Besfort Lamallari, bëri të ditur se subjektet që tejkalojnë normat e reja të lejuara të zhurmës do të përballen me masat e parashikuara nga ligji.
Në intervalin orar 20:00-24:00, niveli maksimal i lejuar i zhurmës në mjediset publike është 45 decibel.
“Në zbatim të udhëzimit të rishikuar për nivelin e lejuar të zhurmave, Policia e Shtetit po kryen monitorime në të gjithë vendin për të garantuar një sezon turistik të qetë dhe të sigurt për çdo pushues, familje e vizitorë. Kush lëshon muzikën mbi normat e reja të lejuara, do të përballet me pasojat. Nga ora 20:00 – 24:00 niveli i lejuar i matur në mjediset publike është deri në 45 dB“, shkruan ministri, shoqëruar me pamje.