Me vendim të Gjykatës së Lezhës janë urdhëruar kontrolle në 5 banesa, ku kishte dyshime se mund të gjendeshin të dhëna lidhur me autorët e vrasjes së Viktor Bardhit në fshatin Ndërfushas të Mirditës.
Kontrollet janë ushtruar përgjatë dy ditëve të fundit, por nuk dihet nëse janë gjetur prova që mund t’i shërbejnë zbardhjes së krimit. Ndërsa janë pyetur pjesëtarë të familjes Reçi dhe të njohur të tyre, fis me të cilin familja Bardhi është në hasmëri. Viktor Bardhi u vra brenda automjetit të tij me një pistoletë me silenciator.
Ai dyshohet të jetë vrarë për motive gjakmarrjeje, pasi më herët i është vrarë vëllai, Martin Bardhi, dhe nipi, Kristian Marku.