Duket se protestuesit nuk ishin i vetmi “problem” me të cilin u përball deputetja Iris Luarasi teksa po futej në Kuvend. Një tjetër çështje duket se kërkoi ndërhyrje të menjëhershme: unazat në dorën e djathtë.
Në momentin e hyrjes në Parlament, Luarasi shfaqet me dy unaza të dukshme: një unazë të madhe blu dhe një tjetër me pamje floriri, me një shenjë të zezë.
Por vetëm pak më vonë, kur deputetja vendos të dalë në video për të reaguar ndaj asaj që ndodhi jashtë Kuvendit, ndodh edhe “ndryshimi i madh”.
Unaza blu? Zhduket.
Unaza tjetër? Ndryshon përmasë.
Nga një unazë e madhe, kalon në një tjetër dukshëm më të vogël.
Pra, ndërsa protestuesit bërtisnin jashtë, duket se dikush paska pasur kohë të merret edhe me “detajet” brenda.
Dhe këtu lind pyetja: çfarë ndodhi me unazat në ato pak minuta?
Sepse reagimi politik i Luarasit mund të jetë i njëjtë, por dora e djathtë nuk është më ajo që ishte kur hyri në Kuvend.
Ndoshta është thjesht çështje stili. Ndoshta ishte një ndryshim krejt i zakonshëm. Por në një Kuvend ku çdo detaj fotografohet, filmohet dhe komentohet, edhe unazat duket se kanë marrë statusin e një deklarate politike. Të paktën për dorën e djathtë, duket se “ndryshimi” erdhi më shpejt se çdo reformë parlamentare.